Ka ndërruar jetë një prej personazheve të njohura të jetës urbane të Tiranës, i shumënjohuri Ver llapa, siç thirrej, që karakterizohej nga një llapë e gjatë me të cilën prezantohej në publik.
Nuk ishte pra një llapëgjatë në kuptimin metaforik, si një llafazan, por fizikisht me llapë të gjatë, të cilën e ofronte si spektakël personal, në këmbim të marrjes së ndonjë të holle nga drejtues makinash në trafik.
Kujt i binte rruga nga 21 Dhjetori, patjetër që do kishte një takim me llapën e Verit. Dikush argëtohej me të, e dikush ndjente neveri.
Pos kësaj, Ver llapa ka qenë dhe pjesë e ligjërimit politik, ku palët shpotisnin njëra-tjetrën, duke e sjellë për krahasim pikërisht këtë personazh të njohur. Tjetri si ai, është Shaban Qosja, por që ka ndërruar jetë prej kohësh. /tesheshi.com/
