Kreu demokrat Lulzim Basha ka reaguar në lidhje me deklaratën e ambasadorit amerikan në Tiranë, Donald Lu, sipas të cilit qytetarët duhet të reagojnë nëse i kërkojnë një gjë qeverisë dhe ajo nuk iu përgjigjet.
Më konkretisht Lu foli për librat falas që duhet t´u jepen nxënësve shqiptarë, madje ngriti edhe pyetjen se nëse nuk ka para për këtë çështje, atëherë ku gjenden fondet për luksin e institucioneve dhe makinave të qeveritarëve.
Në lidhje me këtë deklaratë të Lu, kryetari i PD-së shkruan në rrjetet sociale se ambasadori ka të drejtë në mesazhin për të rinjtë, pasi nëse qeveria nuk ju përgjigjet, ju e rrëzoni atë.
Basha thekson se Partia Demokratike do të depozitojë në Kuvend propozimin për të financuar nga buxheti librat e shkollës për të gjithë fëmijët e Shqipërisë. /tesheshi.com/
