Presidenti Hashim Thaçi ka ngacmuar paksa homologun e tij serb Aleksandër Vuçiç, duke thënë se është i gatshëm ta presë për vizitë në Prishtinë, porse ka shtruar pyetjen nëse edhe ai do marrë ftesë ta vizitojë Beogradin.
“Ftesa që kryetari serb Aleksandar Vuçiq të vizitojë Kosovën, është gjithmonë e hapur. Unë nuk kam marrë ftesë ta vizitoj Beogradin, por jam i gatshëm të shkojë në Beograd kur të më arrijë ftesa. Nëse takohemi nëpër kryeqytete të botës, pse të mos takohemi në kryeqytetet e dy shteteve tona, në Prishtinë ose në Beograd”, ka thënë ai në një bisedë për portalin e Beogradit, Remarker.
Thaçi është pyetur edhe për serbët e larguar pas përfundimit të luftës nga Kosova, me ç’rast i ka ftuar të gjithë të kthehen dhe ka premtuar integrimin e tyre në shoqërinë kosovare. /tesheshi.com/
