Kompania Airbus njoftoi se helikopteri H145M i prodhuar prej saj me porosi nga Serbia, përfundoi me sukses fluturimin e tij të parë me sistemin e plotë të armatimit HForce.
Fluturimi testues u krye në fund të gushtit në Donauwoerth, një qytet në Bavari.
“Si blerësi i parë i helikopterit H145M me sistemin e armatosur HForce, Serbia ka porositur nëntë helikopterë H145M, përfshirë katër të pajisur me HForce”, tha drejtori i i programit HForce në Airbus, dega për helikopterë Jean-Luc Andre.
Falë këtij sistemi të armatosur modular të dizajnuar nga Airbus, helikopteri H145M mund të pajiset me të gjitha llojet e armëve të drejtuara dhe balistike, siç janë raketat me lazer dhe armë automatike, njotuan nga Airbus.
Sipas një njoftimi të mëparshëm të përfaqësuesve të Airbus, ushtria dhe policia e Serbisë duhet të marrin H145 e tyre të parë në fund të vitit 2018. Marrëveshja parashikon që një total prej nëntë helikopterësh H-145M të mbërrijnë në Serbi, gjashtë prej të cilave do t’i përkasin ushtrisë dhe tre policisë.
Ende nuk dihet se sa do të kushtojë blerja e këtyre avionëve.
Helikopteri H-145M është një helikopter i lehtë për transport dhe helikopter për shumë qëllime me aftësi luftarake dhe konsiderohet si një nga më modernët në llojin e saj në botë.
Përveç ekuipazhit me dy anëtarë, ai mund të transportojë nëntë ushtarë të tjerë të armatosur dhe gjithashtu mund të mbajnë raketa dhe mitraloza, prandaj ai është ideal për transportimin e pjesëtarëve të forcave speciale.
Duke marrë parasysh platformën multifunksionale, H-145M mund të përdoret gjithashtu për zbulimin dhe detyrat luftarake.
Versioni civil përdoret gjithashtu për kërkim-shpëtim. /tesheshi.com/
