Kolosët e rrjetit janë mobilizuar në mënyrën e tyre për të dhënë ndihmë në ngjarjen e tmerrshme që ka përfshirë Nepalin, i cili u trondit nga një tërmet që shkaktoi mijëra viktima.
Google ka aktivizuar shërbim për sinjalizimin e kërkesës për informacion mbi personat e zhdukur. Google Person Finder mbledh të dhëna të përditësuara nga përdoruesit dhe i rregullon në mënyrë që gjithkush që kërkon të marrë apo të japë informacione në lidhje me këtë gjendje të katastrofës natyrore, të ketë mundësi ta bëjë.
Nga ana e tij, Facebook ka hapur seksionin Safety Check, nëpërmjet së cilit kushdo që ndodhet në zonat e goditura nga tërmeti të mund të komunikojë përmes rrjetit social dhe të dëshmojë se është gjallë e mirë. Në këtë mënyrë, informacioni do të mund të përhapet në Facebook tek të gjithë familjarët e personave të prekur ose jo nga kjo tragjedi njerëzore./tesheshi.com/
