Autoritetet në Teheran kanë bërë të ditur se një tërmet prej 4.4 ballë të shkallës richter ka goditur rreth 110 kilometra në veriperëndim të Bushehrit, vendit ku ndodhet impianti i vetëm bërthamor funksional i Iranit.
Nuk ka raporte për dëme ose të plagosur. Tërmeti me mganitudë 4.4 konsiderohet i lehtë nga sizmologët. Impianti Bushehr, i cili ka hyrë në funksion në vitin 2011 me ndihmën e Rusisë, është projektuar për t’iu bërë ballë tërmeteve prej 8 shkallësh.
Irani përballet shpesh me tërmete. Në vitin 2003, një tërmet prej 6.6 shkallësh të richterit ka vrarë rreth 26,000 njerëz.
