Psikologët siberianë thonë se ata po ndihmojnë të varurit nga droga, alkoli apo seksi duke i qëlluar ata me thupër si dënim.
Trajtimi i dhimbshëm që përfshin zonën poshtë fundshpinës, mollaqet pra, mund t’i ndihmojë përdoruesit e drogës si Pete Doherty, apo këdo që ka dështuar me metoda të tjera.
Megjithatë, reagimi i shumicës së njerëzve është i parashikueshëm: qeshin mbyturazi, tallen ose bëjnë shaka ngarkuar me aluzion seksual”, tha për Siberian Times një nga pacientët.
Njëra prej tyre, Natasha 22 vjeç, e shtruar për t’u desintoksikuar nga heroina e ardhur nga Novosibirsk, thekson: “Kam përfituar nga ky trajtim dhe ia rekomandoj kujtdo që vuan nga depresioni apo varësia. Të them se jam rrahur aq shumë sa çmendesh, por mua më ktheu në jetë. Pa të më besoni unë mund të kisha vdekur.
Dr. German Pilipenko dhe kolegja e tij, profesoresha Marina Chukhrova, insistojnë se trajtimi i tyre novator është i bazuar në parime të shëndosha shkencore.
“Ne qëllojmë pacientët në mollaqe me një qëllim të qartë dhe të caktuar mjekësor dhe ky nuk është një aktivitet i deformuar sado-mazokist”, tha profesoresha Chukhrova.
Të varurit prej drogës thonë se vuajnë nga mungesa e endorfinës, shpesh e njohur si “hormoni i lumturisë”.
“Dhimbja akute e ndëshkimit trupor që ata shpërndajnë stimulon trurin për lirimin e endorfinës në trup dhe i bën pacientët të ndjehen më të lumtur në lëkurat e tyre. Rrahja neutralizon mungesën e entuziazmit për jetën e cila gjendet shpesh tek ata që janë të lidhur pas veseve, si tendenca vetëvrasëse dhe çrregullimet psikosomatike”, tha Dr. Pilipenko.
Natasha tha se i dashuri i saj vdiq nga droga.
“Kishte kaq shumë vdekje rreth meje. Unë gati vdiqa dhe nuk shihja një rrugëdalje. Nëna ime kishte dëgjuar për këtë metodë të re të trajtimit dhe ramë dakord për ta provuar atë”.
Asaj i është dhënë këshillim psikologjik përpara çdo sesioni të 60 goditjeve me thupër shelgu. Çdo seancë kushton rreth 80 euro.
“Unë nuk jam një mazokiste”, tha Natasha. “Prindërit e mi nuk më rrihnin, madje s’kam ngrënë asnjë shuplakë, kështu që kjo ishte dhembja ime e parë e vërtetë fiziëk dhe kjo ishte me të vërtetë tronditëse. Pas çdo goditje unë bërtas dhe shtrëngohem në fund të krevatit. Është një dhimbje thumbuese, agoni e vërtetë. Shpesh unë qaj, dhe mjeku ndonjëherë pyet se si jam ndjerë, dhe në qoftë se unë jam ok. Trupi im merr me të vërtetë nxehtësi dhe fillon djersitja. Është me të vërtetë e pakëndshme, por pas çdo sesioni unë mund të shoh që kjo metodë funksionin. Në fakt, kjo është e vetmja kurë që ka funksionuar tek unë”.
Pacientja shton se ky trajtim nuk ka të bëjë me ndëshkimin për të marrë heroinë.
“Ajo funksionon për shkak të efektit mbi trupin tim, lirimin e endorfinës, që është lënda kryesore për të më hequr varësinë. Dhimbja më ndihmon të kuptojë rreziqet që i kam shkaktuar vetes, se unë isha thjesht duke vrarë veten”.
Disa muaj pas trajtimit Natasha gjeti një punë të re, si një dispeçere në një kompani taksish lokale.
Një pacient tjetër, Yuri, 41 vjeç, ka një punë stresuese që çoi atë në një zakon të rëndë: vodkën.
Alkolikët hanë 30 e jo 60 thupra në trup.
“Në fillim bërtita, por më pas arrita të mos e prek më votkën me dorë. Shishja ka qëndruar në frigorifer prej një viti”.
Por trajtimi ka shkaktuar skandalin më të tmerrshëm me të dashurën e tij.
“Ajo ka dyshuar për shumë gjëra të çuditshme. i thashë të vërtetën dhe kur unë i shpjegova gjithçka, ajo tha se ishte krenar për mua dhe më ndihmoi për të marrë një hap të tillë.”
Profesoreshë Chukhrova shton: “Rrahja është me të vërtetë fundi i trajtimit. Ne bëjmë shumë këshillim psikologjik. Vetëm pasi bëjmë kontrolle të zemrës dhe rezistencës trupore e nisim dajakun.
Përdorim degët shelg. Ata janë fleksibile dhe nuk mund të prishen e as të shkaktojnë gjakderdhje. E vetmja zonë që është adapte për dajakun janë mollaqet.
Përvoja tregon se kjo është një zonë shumë e përshtatshme për të transformuar sinjalet e dhimbjes në aktivitet pozitiv për organizmin e njeriut”.
Mjekët në Rusi e tallin trajtimin duke thënë se stërvitja, akupunkturë, terapia e masazhit, çokollata etj., janë më të mira në stimulimin e sekrecioneve të endorfinës.
“Dhimbja punon si një injeksion kundër stresit”, tha Dr. Pilipenko, i cili pranon se “ne kemi marrë shumë skepticizëm nga kolegët, por kështu bëjnë të gjithë ndaj të gjithë pionierëve”. /tesheshi.com/
