Nuk është e lehtë mos të urresh dikë që duket sikur i ka arritur të gjitha kur tjetri ka qenë gjithë kohën i pafat për të realizuar diçka në jetë. Kjo zakonisht u ndodh femrave të cilat duhet të kalojnë sfida të ndryshme për të treguar sa vlejnë në jetë, sidomos në një botë të mbizotëruar nga meshkujt.
Suksesi dhe arritjet e shumë femrave të afta rrit xhelozinë dhe smirën e femrave të tjera, dhe kjo është një gjë e ditur.
Për ta shndërruar këtë rivalitet në një bashkëpunim të suksesshëm, gazetaret Ann Friedman dhe Aminatou Sow përpiluan “Teorinë e Ndriçimit”.
“Teoria e Ndriçimit” ka të bëjë me idenë e të përkrahurit dhe promovuarit të suksesit të femrave të tjera nga vetë femrat. Për të arrirë këtë femrat duhet që ta rrethojnë veten me femra të afta dhe të suksesshme.
Kjo jo vetëm që ia rrit atyre prestigjin, siç e thotë edhe shprehja e njohur: “më thuaj më kë rri të të them se kush je”, por edhe i nxit ato që të motivohen dhe t’ju rritet vullneti për të ecur përpara.
Pasi është tejkaluar kjo fazë, mund të arrihet dhe një bashkëpunim që në të shumtën e rasteve është mjaft i suksesshëm, sepse fuqia bashkëpunuese e femrave mund të ndryshojë botën. /tesheshi.com/
