Rrija e moshës, sjell dhe humbjen e kujtesës për pjesën më të madhe të të moshuarve. Humbje e kujtesës vjen për shkak të lodhjes që mund të ketë patur një person, për shkak të stresit e depresionit si dhe për mos “përdorimin” në formën e duhur të trurit. Kujtesa varet në mënyrë direkte nga truri dhe mund të rifitohet nëse mbani një regjim ushqimor të rregullt për një periudhë të gjatë. Por çfarë duhet të konsumoni për të rikthyer kujtesën?
Lakrat dhe sallatat
Të dyja këto produkte kanë magnez i cili forcon kockat. Gjithashtu magnezi ndikon dhe në tru, duke ringjallur disa funksione që më parë nuk reagonin. Lakrat rritin performancën e trurit sidomos tek kujtesa afatshkurtër për të moshuarit. Sipas studimeve këshillohet që lakra dhe sallatat të konsumohen rregullisht pa ndërprerje.
Mishi i pulës
Mishi i pulës ka përmbajtje hekur duke shtuar energjinë e trupit por mbi të gjitha duke rritur dhe energjinë mendore. Shkencëtarët e shohin mishin e pulës një ndër faktorët kryesor për rikthimin e kujtesës afatgjatë. Këshillohet që mishi i pulës të konsumohet gjatë darkës, pasi jep efektin kur truri është i qetë dhe në gjumë. Kjo bën që çdo mëngjes truri i njeriut të jetë më “energjik” për sa i përket kujtimit të sendeve dhe të ngjarjeve të jetës.
Çaji
Është vërtetuar se aroma e çajit zgjon dhe bën aktiv trurin. Çaji ndikon në kujtesën afatshkurtër, duke rikthyer vëmendjen e të moshuarve në sende ose momente që ata i harrojnë brenda disa orëve. Gjithashtu çaji këshillohet që të pihet çdo ditë, ku veçohet çaji mente si më efektivi për zgjimin e trurit.
Frutat
Njerëzit që hanë sa më shumë fruta kanë më shumë aktivitet të trurit. Sipas studiuesve frutat ndikojnë si në kujtesën afatshkurtër dhe në kujtesën afatgjatë. Midis frutave këshillohen frutat e thata dhe frutat e sezonit. Kjo do të thotë se gjatë verës duhet të hani sa më shumë qershi apo pjeshkë. /tesheshi.com/
