Akuzat e ashpra të ish-ministrit të Drejtësisë, Ylli Manjani nuk kanë marrë asnjë koment, sado të shkurtër, nga ana e ministrit të Brendshëm, Saimir Tahiri, që veç të tjerash, u përmend edhe nominalisht.
Në një shmangie të plotë të komenteve, pas këmbënguljes së gazetarëve, Tahiri ka dhënë komente tangente duke u kapur pas shifrave të qytetarëve të arrestuar nga policia për dhënie rryfsheti e duke e akuzuar këtë shifër, prej 39 të arrestuarish, si thirrjen më të mirë “për ata që nuk e kanë kuptuar që ne e kemi seriozisht për të luftuar korrupsionin”.
Manjani deklaroi një ditë më parë se partnerët ndëkrombëtarë kishin kërkuar shkarkimine Tahirit. Komenti i vetë Tahirit ishte:
“Unë besoj që qytetarët e kanë të qartë domosdoshmërinë që kemi në për të luftuar korrupsionin brenda policisë së shtetit. Ashtu sikurse e kanë të qartë se kjo nuk është një betejë që fitohet vetëm nga punonjësit e policisë, kjo është një betejë që fitohet bashkë me qytetarët. Policët po bëjnë maksimumin dhe 39 të arrestuar vetëm gjatë janarit është prova më e mirë. Është po një lloj kujtesa më e mirë për këdo që nuk e ka kuptuar se ne e kemi seriozisht me luftën kundër korrupsionin dhe është përgjigje e mjaftueshme për çdo pyetje tuaj.” /tesheshi.com/
