Fatbardh Kadilli, i pari që reagoi kundër Bashës pas humbjes së 25 prillit, njëherësh duke shpallur synimin për t’ja marrë postin e kreut të PD-së, e shpalli kandidaturën e tij zyrtarisht jo në selinë e partisë së tij por gjetkë në Tiranë.
Ai pretendoi se i ishte mbyllu dera.
“Këtë deklaratë, në këtë udhëtim që kam nisur, dëshiroja ta bëja në ambientet e PD. Kam kërkuar hapësira si njeri që ka hapësirën e vetëm në partinë e lirisë.
Shpresoj që këto të jenë keqkuptime dhe të zgjidhen shpejt dhe t’u flasë anëtarëve nga selia. Nuk dua të hy në partinë time vjedhurazi,por si një njeri që ka hapësirën e tij të lirisë”, tha Kadilli.
Lidhur me pretendimet për vota të blera, Kadilli u përgjigj: “Është problemi i Bashës nëse shqiptarët nuk zgjedhin atë para thesit të miellit”. /tesheshi.com/
