Nga Miradie Hasani
Thirrja e tifozerisë maqedonase të Mançester Junajtedit për të strehuar nëpër shtëpi kolegë të tyre nga tifozeria angleze, tashmë dha rezultat. Kështu që një numër i madh i qytetarëve kanë ofruat falas akomodim për miqtë e ardhur nga larg dhe kjo për shkak të pabesisë që u kanë bërë hotelet, si me çmimet e si me rezervimet. Gjithçka për përballen Real – Mançester më 8 gusht në Shkup për Superkupën europiane..
Një tifoz i ardhur nga Londra, thotë se ata ndjehen të mashtruar nga hotelet e Shkupit. Sipas tij rezervimet që i kanë bërë muaj më parë, uakanë anuluar kinse për shkaqe sigurie, siç thotë ai, për t’i lënë hapur rezervimet e reja me çmime shumëfishë më të larta.
“Është një gjest i mrekullueshëm nga njerëzit këtu, pasi që hotelet haptazi po tentojnë të abuzojnë me çmimet ndaj tifozëve anglezë. Kjo gjë nuk na ka ndodhur asnjëherë më parë në vendet ku kemi qenë, pra në asnjë shtet të cilin e kemi vizituar, Pronarët e hoteleve kurrë nuk na kanë plaçkitur kështu. Reagimi i qytetarëve për të akomoduar tifozët ka krijuar një imazh të mirë për Maqedoninë”, tha Mick Groom, tifoz anglez.
Një iniciativë për akomodimin falas të anglezëve në Shkup kanë marrë tifozët maqedonas të Mançester-it. Aleksandar Zelenikovski, thotë se mirëpritjen që e kanë pasur nga ishullorët, ka ardhur koha që t’ju kthejnë me të mirë për Superkupën e 8 gushtit që do të luhet në Shkup kundër Real Madridit.
“Të tregohemi si nikoqir të mirë, që nëse dikush prej tyre do të vij sërish në vendin tonë, mos të ndjehet i plaçkitur ose i mashtruar me çmimet e hoteleve që kemi dëgjuar ditëve të fundit. Këto zëra janë të vërtetë sepse kontaktojmë me shumë prej tyre, por nuk duam të lejmë përshtypje të keqe për Maqedoninë si nikoqire e një spektakli të tillë futbollistik”, u shpreh Aleksandar Zelenikovski.
Tifozët anglezë dhe ata spanjoll për alternativë kanë rezervuar në qytetet tjera hotele e bujtina, por edhe në shtetet fqinje, si për t’u akomoduar ashtu edhe fluturime, në Tiranë, Selanik, Sofje e Prishtinë.
“Unë ju bëj thirrje të gjitha objekteve hotelerie që mos ta teprojnë me çmimet, ato të jenë normale për shkak se mund të na ndodh e kundërta, që mysafirët të cilët duhet të vijnë në Shkup, të shkojnë në qytetet tjera. Nëse nuk flenë këtu por vijnë vetëm për të parë finalen, nuk do të shpenzojnë para në shitore as restorante”, theksoi Koce Trajanovski, kryetar i komunës së Shkupit.
Nga Oda Ekonomike e Maqedonisë thonë se inspektorati i tregut duhet të vihet në aksion për të ndaluar abuzimet me anulimin e rezervimeve të mëparshme, kurse sipas tyre, çmimet janë çështje konkurrence.
“Çmimet janë kategori e tregut, në të cilat kompanitë nuk guxojnë të bashkohen për tu marrë vesh. Roli ynë ndalon në segmentin e diktimit të çmimeve. Ajo që ne mund të propozojmë është eksperienca e kompanive anëtare të Odës sonë se ku mund të ndikohet në përmirësimin e shërbimeve turistike” , Daniella Mihajllovska-Vasilevska.
Sipas të agjencive turistike, tifozët anglezë kanë rezervuar 10 fluturime çarter për të ardhur në Shkup për ndeshjen Mançester – Real Madrid. /tesheshi.com/
