Protestues të dhushëm, kryerisht të rinjë dhe adoleshentë, plaçkitën dhe thyen selinë e PS-së në Shkodër paraditen e së shtunës.
Me kauzën e Klodian Rashës, 25-vjeçarit që humbi jetën nga të shtënat e një polici mesnatën e së hënës duke u gdhirë e marta, turma iu vërsul dhe pronës publike – tabela, shtylla etj.
Eshtë hera e parë që në protestat opozitare të viteve të fundit shënjestrohen dhe selitë e mazhorancës. Dy net më parë u sumua selia qendrore e PS-së në Tiranë.
Ndërkohë, kryeministri Rama reagoi ndaj mesazheve të presidentit Meta, duke shkruar:
“Kur policia reagoi ndaj një provokatori famoz gjatë ushtrimit të dhunës opozitare tek Kuvendi, Ilir Meta vrapoi në spital për të vizituar heroin e dhunës! Kur policit të shtetit, i nxjerrin syrin dhunuesit me kapuçë të nxitur prej tij e Saliut, Ilir Meta dënon dhunën policore!
Sipas Ilir Metës policia nuk duhet të reagojë, po duhet të dorëzojë Tiranën dhe veten në duart e dhunuesve të verbër, që ai bashkë me Saliun të bëjnë Lulin dhëndër të pushtetit dhe Monikën arkëtare të shtetit, si në kohët e arta të bashkëqeverisjes me plumba mbi protestuesit!
Por Iliri dhe Saliu duhet ta harrojnë se e kthejnë prapë Shqipërinë për përsheshin e tyre dhe sado ëndrra të shohë Luli duke mbajtur lugën në dorë që t’i vijë gjella e Monikës, Shqipëria do të vazhdojë drejt përpara, me mund e durim, për t’u bërë ajo që duan fëmijët e saj!”, shkruan shefi i qeverisë. /tesheshi.com/
