Nga Drilon Sylejmani
Pa dyshim, përballja ndërmjet Real Madridit dhe Barcelonës është ngjarja më kulminante e kontinentit të vjetër. Dy rivalë të përbetur që në shpirtërat e tifozëve kanë ndjellur urretjen dhe zilinë. Por cilët janë ata futbollistë të cilët i bënë pishman ata për brohoritjet e dhëna? Kjo është historia ndër vite:
Gjatë gjithë historisë, ka pasur lojtarë që kanë ndërruar ambient, më saktësisht kanë veshur fanellën e rivalëve të përbetuar, duke u transferuar nga Barcelona në Real Madrid dhe anasjelltas.
Një ndër lojtarët që u transferua nga Barcelona në Real Madrid është Luis Figo, në vitin 2000. Portugezi gjithmonë tregoi profesionalizmin e madh në fushë me madrilenët duke fituar për 5 vite: 2 Kampionate dhe 1 Champions League.
– Një nga lojtarët më të mirë në historinë e futbollit: Ronaldo . Ai ka luajtur për Barcelonën vetëm një sezon, duke shënuar 47 gola në 49 ndeshje zyrtare. Pasi ka luajtur për Inter, Ronaldo u transferua tek Real Madrid në vitin 2002, ku qëndroi deri në vitin 2007, duke shënuar 83 gola në 127 paraqitje.
– Luis Enrique, trajneri aktual i Barcelonës, është tjetër lojtar në këtë rishikim. Enrique ka mbajtur të veshur fanellën e Real Madridit nga viti 1991 deri në vitin 1996, ku shënoi 23 gola, mirëpo kurrë nuk tregoi potencialin e tij. Ishte pjesë e La Manitas së Real Madridit 5-0 kundër Barcelonës në vitin 1995. Ndërsa kaloi 8 sezone tek rivali i Real Madridit: Barcelona.
– Michael Laudrup ishte një nga ata lojtarë që ka mbajtur të veshur fanellën e dy rivalëve të përbetuar në Spanje. Ai u transferua në Madrid për dy sezone 1994-1996. Ishte pjesë e La Manitas së Real Madridit 5-0 kundër Barcelonës në vitin 1995.
– Schuster, playmaker elegant me karakter të fortë. Ai luajti për 8 vite me Barcelonën. Ndërsa u transferua tek Real Madrid në vitin 1988 ku qëndroi vetëm një sezon.
– Javier Saviola, së pari u transferua në Barcelonë e më pas në Real Madrid. Karriera e tij nuk ishte mjaft e bujshme tek të dyja skuadrat.
Dy lojtarët e tjerë që kanë mbajtur të veshur të dyja fanellat, si të Real Madridit dhe të Barcelonës janë:
– Dani Garcia. Real Madrid (1997-1998); RCD Mallorca (1998-1999); FC Barcelona (1999-2003).
– Julen Lopetegui. Real Madrid (1989-1991); CD Logroñés (1991-1994); FC Barcelona (1994-1997)
/tesheshi.com/
