Publikohet një sondazh tjetër përpara zgjedhjeve të 21 qershorit. Është sërish një institut italian i cili është i pajtuar nga një television shqiptar siç është A1 report.
Instituti Piepoli ka dhënë edhe një rezultat një rang kombëtar sipas dy grupimeve të mëdha që garojnë, përveç qytetit të Tiranës. Sipas këtij sondazhi, nëse zgjedhjet do të ishin sot, atëherë fituese do të shpallej koalicioni i majtë me 60% të votave, ndërsa e djathta është në kuotën e 38%.
Me të njëjtën diferencë koalicioni i ASHE do fitonte edhe në kryeqytet, ku fitues do të shpallej Erion Veliaj me 53.5 % të votave.
Sipas sondazhit të dytë të Pieopoli, e majta rritet me 1.5 pikë edhe në krahasim me sondazhin e parë të realizuar më 15 maj dhe i bërë publik më 20 maj në A1 Report. E ndërsa e majta rritet në krahasim me sondazhin e parë, koalicioni i djathtë njeh ulje me 1.5 pikë.
Sondazhi i Institutit italian Piepoli në bashkëpunim me A1 Report është bazuar në anketimet e 800 votuesve në rang kombëtar dhe 500 votuesve për bashkinë e Tiranës më 28 maj.
Sondazhi i parë i bërë publik më 20 maj nga A1 Report nxirrte fitues të majtën në rang kombëtar me 58.5 %, ndërsa në kryeqytet fitues dilte Veliaj me 52 %. Anketimet për sondazhin e parë janë bërë më 15 maj. Nëse votohej sot për Tiranën, Veliaj fitonte me 53.5 % Rritje nga sondazhi i parë njeh edhe kandidati i Pavarur për Tiranën Gjergj Bojaxhi, ndërsa dy kandidatët e tjerë Sazan Guri dhe Arben Tafaj nuk njohin ndryshime.
Një tjetër pikë ku është ndalur Institutin Italian Piepoli gjatë sondazhit në Shqipëri është edhe vlerësimi për kreun e qeverisë dhe të opozitës, ku dukshëm Rama ka më tepër vlerësime.
Por ndryshe nga sondazhi i parë Basha ka një vlerësim në rritje duke ngushtuar nga 28 pikë diferencën 27 me Ramën.
