Një lajm shumë i mirë dashurie dhe shprese vjen nga Karolina e Veriut. 23-vjeçarja Shelly Cawley është ngritur nga koma pasi ka dëgjuar të qarën e së bijës Rylan, e cila para disa ditësh kishte ardhur në këtë botë.
Lajmi është bërë i ditur nga mediat amerikane, të cilat shkruajnë se nëna e re ka rënë në gjendje kome, pas një operacioni cezarian të bërë me urgjencë. Ngjarja ka ndodhur shtatorin e shkuar. Një javë pas lindjes nëna e re ishte zgjuar, ndërsa mjekët i kishin humbur shpresat për jetën e saj. Mirëpo, mrekullia ndodhi kur infermierët e spitalit në të cilin ishte shtruar e reja, vendosën ti afronin të bijën. Infermierët morën të sapolindurën dhe ia vendosën në gji 23-vjeçares dhe kur e vogla Rylan nisi të qajë, Shelly u zgjua nga gjendja e komës.
Nënë e bijë janë mirë – Një vit pas ngjarjes aspak të këndshme, Shelly dhe i shoqi i saj, Jeremy kanë treguar historinë e pabesueshme. Gruaja ka kujtuar momentet e mëparshme kur ishte në gjendje kome, ndërsa bën me dije se kur ishte në barelë arrinte të dëgjonte bisedat mes mjekëve dhe infermierëve.
Shelly ka thënë se para se të hynte në sallën e operacionit kishte pasur ndjesinë se diçka nuk do të shkonte siç duhet. Bashkëshorti i saj ka shpjeguar se bashkë me personelin e spitalit ishin të bindur se mbijetesa e Shellyt varej nga dëshira e saj për të luftuar, ndaj menduan ti çonin pranë të bijën, për ta nxjerrë nga gjendja në të cilën ndodhej. Tani vajza e vogël është një vjeçe dhe ashtu si edhe e ëma, gëzon shëndet të plotë./tesheshi.com/
