Vëzhguesit ndërkombëtarë të armëve kimike kanë kritikuar Sirinë për dështimin për të raportuar një fabrikë të armëve kimike, ndërsa Rusia ka akuzuar vëzhguesit për kryerjen e një “kryqëzate politike” kundër aleatit të saj të ngushtë, qeverisë në Damask.
Mosmarrëveshjet dhe konfliktet ndodhën gjatë takimit të rregullt mujor të Këshillit të Sigurimit të Kombeve të Bashkuara kushtuar armëve kimike në Siri, raporton AP.
Drejtori i Përgjithshëm i Organizatës për Ndalimin e Armëve Kimike (OPCW), Fernando Arias, informoi anëtarët e Këshillit të Sigurimit të KB, për herë të parë që nga maji i këtij viti, për armët kimike në Siri, por u kritikua nga ambasadori rus në KB, Vasily Nebenzije.
Qindra tonë agjentë kimikë
Arias theksoi se Sirisë iu kërkua të dorëzonte një listë me llojet dhe sasitë e sakta të armëve kimike në dispozicion, por qeveria në Damask e injoroi kërkesën.
Ambasadori rus në KB ka akuzuar organin mbikëqyrës të KB për përdorimin e një narrativë anti-siriane “pavarësisht nga pabazësia dhe kundër-argumentet e paraqitura nga Siria, Rusia dhe ekspertët e pavarur”.
Ambasadorja e re britanike në KB, Barbara Woodwars, deklaroi se një çështje tjetër e pazgjidhur është fati i mijëra copë municionit dhe qindra tonë agjentë kimikë që Siria nuk i ka raportuar ende. /tesheshi.com/
