Doni të humbni peshë në mënyrë të thjeshtë dhe të shpejtë? Me dietën e shalqirit mund të humbni deri në një masë brenda një jave. Shalqiri është një nga frutat më specifik të kësaj stine, i freskët, i pasur me ujë dhe i varfër në kalori. Ky frut të ndihmon më shumë se çdo frut tjetër të humbësh peshë. Por në çfarë konsiston dieta e shalqirit?
Edhe pse shalqiri është një nga përbërësit që konsumohen më së shumti në këtë dietë, nuk do të thotë se duhet të hamë vetëm shalqi gjatë gjithë javës. Përkundrazi, regjimi ushqimor është i pasur dhe i shumëllojshëm: për mëngjes, për shembull, mund të hash tre feta bukë integrale, të shoqëruara me një filxhan çaj jeshil, ose një kos me një lugë drithëra.
Për drekë mund të konsumoni një sallatë me perime si dhe 50 gramë makarona integrale me një vaj ulliri apo edhe një sallatë mikse. Këshillohen edhe perimet në grilë, ose orizi integral me perime.
Për në darkë është ideal konsumi i peshkut në furrë, i pulës në grillë, i një sallate me oktapodë, natyrisht, shoqëruar nga perime të freskëta. Gjatë darkës mund ë konsumoni deri në 40 gramë bukë integrale.
Shumë të rëndësishme në këtë dietë ushqimore janë edhe vaktet e mesit. Gjatë këtyre vakteve mund të konsumoni me shumicë, sa të doni ju, protagonistin e kësaj diete, që është bostani. Mund ta pini si lëng të shtrydhur, mund ta prisni në copa të vogla dhe më pas ta hani. Zgjidhja ngelet në dorën tuaj. Gjithashtu, shalqirin mund ta fusni edhe në sallatat e drekës apo të darkës, sipas dëshirës./tesheshi.com/
