Kjo supë e lehtë me mish pule është perfekte për një vakt dreke ose darke. Mund t’ju duket e çuditshme, por ky përbërës ia ndryshon tërësisht shijen kësaj recete. Ja cili është ai…
Përbërësit:
100 gram mish pule (i gatuar)
300 ml qumësht
450 ml lëng pule
150 ml verë e bardhë
1 kastravec
1 lugë gjelle miell misri
2 lugë gjelle ujë
2 lugë gjelle krem pana
Majdanoz
Kripë
Piper
Përgatitja:
Kombinoni mishin e pulës, qumështin, lëngun e pulës dhe verën në një enë të madhe. Vendosini në zjarr të ziejnë për 15 minuta në temperaturë mesatare.
Spërkatini me pak kripë dhe piper dhe hidhni në të kastravecin e grirë.
Miksoni miellin e misrit me ujin në një enë të vogël dhe hidheni te supa. Përziejini mirë derisa të bëhet një masë e trashë.
Largojeni supën nga zjarri dhe hidhni në të kremin pana. Ndajeni supën në enë të vogla dhe shërbejeni me majdanoz të grirë./tesheshi.com/
