Sapo kishte nisur mbledhja e Këshillit të Stabilizimit mes Shqipërisë dhe Bashkimit Europian, në selinë e Komisionit në Schuman Place në Bruksel.
Ambasadorja shqiptare në BE, Suela Janina, ndodhej bashke me disa zyrtarë të tjerë të Ministrisë së Integrimit dhe të MPJ-së në negociatat teknike ku po shqyrtohen të gjitha arritjet. Përfundimi i këtyre negociatave teknike është hartimi i raportit teknik që do t’i dërgohet më pas Komisionit Europian për tu miratuar e më pas Këshillit të Ministrave.
Por sipas gjasave, ngjarjet e sotme e kanë ndryshuar të gjithë rrjedhën e axhendës europiane dhe problemi i zgjerimit ka shumë mundësi të marrë një shtyrje të re. Nëse mblidhen në Bruksel ministrat e Jashtëm që pritet të pezullojnë Shengenin, pra hyrjen në vendet e Bashkimit Europian vetëm me pasaportë.
Pritet të rikthehen vizat, por sipas gjasave ata do të merren në aeroportin e vendit të destinacionit ku do të shkohet.
Ndërkaq, ngjarjet e sotme kanë shtyrë edhe negociatat mes Beogradit dhe Prishtinës.
Drejtori i Zyrës për Kosovën në qeverinë Serbe, Marko Gjuriq, tha se vendimi për shtyrjen u mor direkt pas atentateve të sotme.
“Ne shprehim ngushëllimet tona për humbjen e jetëve. Ne duhet të bashkohemi kundër të keqes”, tha Gjuriq.
Ai shtoi se delegacioni serb nuk pati mundësi të mbërrinte në destinacion si pasojë e atentateve që duhej të zhvilloheshin sot./tesheshi.com/
