Flokët e bardhë ose ato që ndryshe i quajmë thinja, nuk shkaktohen vetëm prej moshës. Një nga faktorët kryesorë është me siguri edhe trashëgimia: nëse prindërit tuaj kanë pasur më parë flokë të bardhë kur ishin të rinj, me shumë mundësi e njëjta gjë do t’ju ndodhë edhe juve. Megjithatë, nuk keni përse të dëshpëroheni, pasi gjithmonë ekziston një zgjidhje.
Bëhet fjalë për konsumin e disa ushqimeve, përmes së cilave mund të kujdeseni që flokët e bardhë të mos ju dalin aq shpejtë.
Bëhet fjalë për kombinimin e mineraleve dhe vitaminave, të cilat kanë efekte pozitive për shëndetin e rrënjës së flokëve. Më poshtë po jua tregojmë me detaje:
– Bakri është thelbësor për prodhimin e melaninës, pigmenti i cili i jep ngjyrën dhe shkëlqimin flokëve. Bakri ndodhet në ushqime si çokollata, farat lulediellit, bajamet, thjerrëzat, kërpudhat, spinaqi, patatet etj.
– Seleni ndikon në prodhimin e disa hormoneve, të cilat ndikojnë në shëndetin e flokëve dhe kontrastojnë plakjen. Ky element përmbahet përgjithësisht tek toni, molusqet, salmoni, arrat dhe farat e luledielli.
– Vitaminat A, C dhe E, falë përmbajtjes së lartë të antioksidantëve, janë shumë të rëndësishme për të luftuar radikalet e lira, të cilat vonojnë zbardhjen e flokëve. Ushqimet e pasura me vitaminën A janë frutat dhe perimet me ngjyrë portokalli në të verdhë, apo perimet jeshile me gjethe të errët. Ushqimet që përmbajnë vitaminën C janë boronica, manaferra, luleshtrydhet, limoni dhe domatet. Në fund, vitamina E ndodhet tek arrat, tek rrushi, fasulet, perimet me gjethe jeshile.
– Vitamina B luan një rol thelbësor në prodhimin e globulës së kuqe, e cila është e rëndësishme në transportin e oksigjenit në flokë, çka ndikon në zgjatjen e flokut dhe ushqimin e tij. Kjo vitaminë ndodhet tek qumështi, buka, drithërat, makaronat, mishi, tek pula dhe veza.
Natyrisht, veç këtyre elementëve, është e nevojshme të shmangni konsumin e disa substancave dhe ushqimeve që ndikojnë negativisht në organizëm, siç janë kripa, disa ushqime të konservuara, por edhe djathi, apo edhe produkte me kimikate siç janë shampot. /tesheshi.com/
