Është e rëndësishme që në jetë gjërat negative të dimë t’i kthejmë në mundësi pozitive. Një shofer rus është shembulli i kësaj. Ai pasi kishte dëmtuar derën e përparme të makinës vendosi ta kthente në një vepër arti.
Burri nga Rusia qendrore, emri i të cilit nuk bëhet i ditur, me sa duket ka gabuar gjatë një manovre parkimi duke dëmtuar derën e makinës.
Kështu ai detyrohet të kërkojë një derë tjetër, por pritja me sa duket i është dukur e gjatë.
Ideja se do t’i duhej të ecte nëpër qytet me një derë të dëmtuar nuk i pëlqeu. Kështu, ai mori penelin dhe bojën e filloi të pikturojë një peizash në derën e makinës. Shenjat do të ishin pjesë përbërëse e pikturës.
Rezultati përfundimtar është mjaft mbresëlënës. Sa keq që do t’i duhet ta ndërrojë derën e makinës. /tesheshi.com/
