Nga Bekim Laçi
Vetëm gjatë natës së të mërkurës kanë kaluar katër vagona me emigrantë janë zbarkuar në fshatrat e Kumanovës ndërsa refugjatët strehim kanë gjetur në xhamitë lokale.
Ky veprim, një ditë para Ramazanit ka ngjallur dyshimin e Bashkësisë Islame të Maqedonisë se dikush po tenton të acarojë situatën në prag të muajit të shenjtë, sepse siç thotë për portalin tesheshi.com, zëdhënësi i institucionit më të lartë fetar Agron Vojnika, deri dje shteti i trajtonte si mos më keq, ndërsa tani, dështimin e tyre përpiqen ta hedhin si detyrim të tyre: “Dikush në mënyrë të organizuar po i dërgon nëpër xhami të cilat nuk i përmbushin as nevojat e popullatës lokale e ku më të pranojnë një fluks aq të madh refugjatesh”, thotë Vojnika i cili për tu mos keqkutuar thotë se si institucion janë që ata të marrin tretmanin e drejtë por kjo fillimisht duhet të bëhet nga institucionet që marin fonde për qëllime të tilla:
“UNHCR dhe BE kanë dhënë fonde për përkujdesje të këtyre njerëzve por, edhe në mos u kishin dhëne, është njerezore që fillimisht shteti të kujdeset për njerëz të tillë që janë në hall”, thotë ai ndërsa informoi se BFI ka patur aksione të organizuar nga Gjevgjelia deri në Kumanovë duke shpërndarë ushqime, lëngje dhe mjete tjera për refugjatet, përgjatë gjithë rrugës me qëllim që t’u dilet në ndihmë këtyre njerëzve të cilët po kalojnë nëpër vendin tonë për t’i shpëtuar vdekjes dhe për të gjetur një jetë më të mirë.
Aksionet e tilla siç informohet nga kjo organizatë humanitare, do të vazhdojnë edhe ditëve në vijim, duke pasur parasysh se dita ditës po ngrihen temperaturat, ndërsa qarkullimi i tyre gjithmonë po bëhet më i rëndë. /tesheshi.com/
