Dhjetë ditë pas konfliktit në Kumanovë ka përfunduar autopsia e trupave. Janë identifikuar dhjetë të vdekur në mesin e të cilëve nëntë kosovarë.
Autoritetet maqedonase kanë identifikuar trupat e të vrarëve gjatë konfliktit të fundjavës së kaluar në Kumanovë të Maqedonisë përmes autopsisë së përfunduar të hënën. Numri i të vdekurve të identifikuar është dhjetë, nëntë nga ata janë nga Kosova, derisa njëri është nga Maqedonia.
Autopsia e trupave ka përfunduar gjatë ditës së hënë, ndërkohë janë në pritje të vendimit të Prokurorisë se kur do t’i lejojë trupat të sillen në Kosovë.
Ndonëse lista me emrat e të vdekurve akoma nuk ka arritur në Kosovë, është mësuar lista, në mesin e të vdekurve janë edhe të shumëpërfolurit,
Mirsad Ndrecaj (17.06.1979) dhe Beg Rizaj (25.12.1977). Përveç këtyre të dyve që fillimisht ishte raportuar se janë të plagosur, në mesin e të vdekurve nga Kosova janë edhe Hisen Rushiti (20.07.1965), Samid Kastrioti (Destani) (14.12.1975), Turgaj Gashi (13.04.1978), Arben Rexhaj (17.09.1971), Xhafer Zymberaj (18.05.1972), Fatlum Vishesella (16.08.1983) dhe Valon Kabashi (14.08.1985). Përveç nëntë të vrarëve që janë nga Kosova, trupat e të cilëve gjenden në morgun e Spitalit të Shkupit, një shqiptar tjetër nga Maqedonia është i vrarë, por i njëjti është varrosur.
