Transmetuesi britanik BBC ka larguar nga puna prezantuesin e njohur Danny Baker, pasi bëri disa komente “tejet të gabuara” për beben e Dukës dhe Dukeshës së Sussex.
Postimi i tij në Twitter, i cili më pas u fshi, morri bujë në media për shkak të gjuhës raciste dhe të papërshtatshme që prezantuesi ka përdorur.
Postimi në Twitter kishte të bëjë me një foto ku shihen një çift me një bebe shimpanze që e mbajnë përdore.
“Mbretërorët duke dalë nga spitali”, kishte shkruar Baker në postimin e tij shumë të kritikuar.
Prezantuesi i BBC u akuzua se po tallet me prejardhjen e Dukeshës, ndërsa ai vet tha se shakaja ishte “e marrë”.
BBC tha se qëndrimet e tij të shprehura online janë kundër vlerave që transmetuesi i njohur synon të ndjekë, duke shtuar se “Danny ishte një prezantues brilant, por se nuk do të punoj më me ne”.
/tesheshi.com/
