Një pikturë e Vincent Van Gogh është shitur në ankand me një çmim prej 66.3 milionë dollarësh, e thënë ndryshe, rreth 60 milionë euro.
Piktura “L’Allée des Alyscamps”, e kompozuar në vitin 1888 është shitur në një ankand të mbajtur në New York. Vizatimi është realizuar gjatë periudhës në të cilën Van Gogh ka punuar pranë mikut të tij Paul Gauguin, në jug të Francës.
Vepra u ble nga një koleksionist privat pikturash, me origjinë nga Azia. Rekordi në ankand për një pikturë të Van Gogh-ut është 82.85 milionë dollarë.
Kishte që prej vitit 1998 që një vepër e artistit holandez nuk arrinte të shitej në një kuotë kaq të lartë. /tesheshi.com/
