Një orë pas hapjes së qendrave të votimit kanë nisur të shfaqen edhe problemet e para në veri.
Pjesëtarë të Listës Serbe raportohet se po qëndrojnë fare pranë qendrave të votimit dhe po pengojnë votimin e qytetarëve serbë për partitë e tjera të minoritetit serb.
Ndërsa procesi i votimit në Mitrovicën jugore po zhvillohet pa probleme.
Menaxheri i vendvotimit në qendrën 1102B, Hambdi Shyti, ka thënë për RTV21 se në këtë qendër janë bërë të gjitha përgatitjet dhe gjithçka është në rregull.
“Koha me shi dhe Ramazani ndikojnë që njerëzit të hezitojnë,” është shprehur ai. /tesheshi.com/
