Zyrtarët e administratës amerikane kanë njoftuar se do të forcojnë rezistencën dhe do të rrisin presionin ndaj sulmuesve kibernetikë, qofshin ato kompani apo armiq nga jashtë, duke paralajmëruar që Presidenti i SHBA Joe Biden po shqyrton të gjitha opsionet, përfshirë një përgjigje ushtarake.
Administrata e Biden po shqyrton “të gjitha opsionet” në mbrojtjen e vendit nga shantazhi i kriminelëve, konfirmoi Sekretarja amerikane e Tregtisë Gina Raimondo në përgjigje të pyetjes nëse veprimet ushtarake kundër sulmuesve po merren parasysh, raporton Reuters.
Ajo njoftoi se kjo temë do të diskutohet gjatë samitit të ardhshëm të presidentëve amerikanë dhe rusë në 16 qershor në Zvicër.
Mijëra sulmojnë sektorin e energjisë
“Ne nuk hedhim poshtë asnjë mundësi në rast hakmarrjeje dhe ndëshkimi të sulmuesit,” tha Raimondo.
Në një intervistë të veçantë me CNN, Sekretarja amerikane e Energjisë Jennifer Granholm tha se armiqtë e Amerikës kanë aftësinë për të shembur të gjithë rrjetin e energjisë në Shtetet e Bashkuara dhe konfirmoi se mijëra sulme janë kryer tashmë në sektorin e energjisë.
“Kur bëhet fjalë për dobësitë tona në drejtim të sigurisë kibernetike, ne jemi aq të fortë sa lidhja më e dobët në sistemin e sigurisë”, tha sekretari amerikan i transportit Pete Buttigieg për CBS. /tesheshi.com/
