Ambasada e SHBA-së në Kosovë ka bërë të ditur se zgjatja e misionit të EULEX-it në Kosovë do të ndikojë që institucionet e drejtësisë të kenë më shumë kapacitete për të luftuar krimin dhe korrupsionin.
Në një deklaratë për shtyp, të shpërndarë nga selia diplomatike e Uashingtonit në Prishtinë theksohet: “Ky është një hap i rëndësishëm në qëllimin tonë të përbashkët të përmirësimit të sundimit të ligjit në Kosovë. Kjo marrëveshje do t’i mundësojë EULEX-it që të vazhdojë t’i ofrojë sektorit të drejtësisë kapacitet aty ku nevojitet, dhe që të ndihmojë Kosovën në zhvillimin e aftësive vetanake. Qeveria e SHBA-ve mburret për faktin që do të vazhdojë të kontribuojë me personel për të zbatuar këtë mision të rëndësishëm”. /tesheshi.com/
