Serbia mbyll kufirin, nuk lejon lëvizjen e banorëve të Kumanovës

Autoritetet kufitare serbe eshte sot kanë bllokuar vendkalimin kufitar Preshevë për shtetasit e Maqedonisë duke ndaluar banorët e Kumanovës që të shkojnë te të afërmit e tyre në fshatrat ngjitur që ndodhen në krahinën e Preshevës.

Shqiptarët e Kumanovës jo vetëm kanë të afërmit e tyre të gjakut në fshatrat pranë kufirit po japin e marrin. Praktikisht janë e njëjta zonë apo  krahinë etno demografike. Kjo zonë kufitare në ekstrem të trevave shqiptare ruan me fanatizëm në shekuj gjuhën dhe traditat shqiptare, edhe pse janë lënë jetim jo vetëm nga shteti amë.

Në këtë pikë kufitare, sot nuk janë lejuar të kalojnë udhëtarët nga Maqedonia. Ata janë kthyer duke u thënë që për momentin nuk u lejohet hyrja në Serbi, duke mos dhënë sqarime të detajuara, informon INA.

Edhe kompanitë e udhëtarëve kanë shprehur reagime se përse nuk lejohet kalimi në këtë pikë kufitare.

Por disa media dhe burime të thirrura në autoritetet serbe kanë raportuar se Serbia nuk lejon kalimin e tyre, për shkak se dyshon se shtetasit e Maqedonisë, kryesisht nga zona e Kumanovës mund të kenë si destinacion vendet e BE-së për të përfituar status azili.

Siç mësohet një urdhëresë e tilla ka ardhur nga Brukseli, pasiqë kohëve të  fundit në pikat kufitare të Serbisë në pjesën me Hungarinë, ka pasur prani të policisë së vendeve të BE-së, si ajo austriake dhe gjermane.