“Drejtuesjade facto e Myanmarit, Aung San Suu Kyi, ka shansin e fundit për të ndaluar një ofensivë ushtarake që ka detyruar qindra mijëra myslimanë Rohins të largohen jashtë vendit”, tha sekretari i përgjithshëm i OKB, Antonio Guterres.
Ai i tha BBC-së se nëse Suu Kyi nuk reagon menjëherë, pasojat do të jenë të tmerrshme. OKB gjithashtu paralajmëroi se ky sulm mund të çojë në spastrimin etnik.
“Nëse nuk e ndalojmë tani këtë situatë, tragjedia do të jetë e tmerrshme dhe nuk shoh se si mund të parandalohen pasojat e ardhshme”, tha Guterres duke shtuar se Rohina duhet të kthehet në atdheun e tyre.
Suu Kyi është duke u përballur me një presion në rritje mbi këtë situatë. Ajo anuloi pjesëmarrjen e saj në mbledhjen e Asamblesë së Përgjithshme të OKB-së dhe tha se e vërteta rreth krizës ishte e shtrembëruar dhe e mbingarkuar nga fillimi i dezinformimit.
Paralajmërimi i Antony Guterres vjen pasi Bangladeshi paralajmëroi për kufizimin e lëvizjes së më shumë se 400,000 Rohingya që ikën nga Myanmar. Policia e Bangladeshit nuk u lejon atyre të lëvizin nga vendet ku janë aktualisht, dhe banorët e Bangladeshit janë të ndaluar t’u japin atyre një hapësirë jetese.
Ata njoftuan se do të ndërtonin strehëza për 400,000 njerëz. Analistët besojnë se autoritetet e Bangladeshit me këtë veprim janë duke u përpjekur që të parandalojnë Rohingya nga përzierja me popullsinë e këtij vendi, në mënyrë që të jetë më e lehtë për ta të kthehen në Myanmar apo edhe në një vend të tretë. /tesheshi.com/
