Një ekip studjuesish nga Universiteti i Kalifornisë kanë kryer një studim me synim gjetjen e një teknologjie më të besueshme, ndryshe nga ajo e tanishmja satelitore, në gjendje të kënaqë kërkesat e duhura për mjetet pa shofer, të cilat pritet të pushtojnë rrugët tona në të ardhmen e afërt.
Ekipi i udhëhequr nga Zak Kassas, ka menduar të zhvillojë një sistem të saktë që shfrytëzon inputet e transmetuara nga teknologjia ekzistuese me antena Wi-fi, antenat televizive dhe ato të celularëve, të quajtura Signal Of Opportunity (SOP).
Lundrimi i tanishëm satelitor shfrytëzon tre satelitë: atë amerikan (GPS), rus (GLONASS) dhe europian (Galileo). Ky sistem paraqet disa mangësi si pasojë e sinjalit të dobët.
Duke përdorur SOP është e mundur të përcaktohet itinerari specifik duke përdorur sinjalet e shumta radio të shpërndara në mjedis, në mënyrë që të kemi një grahje sa më të sigurtë të mjeteve pa shofer.
Udhëtimi i bazuar në sinjalin SOP mund të ndërtojë një sistem krejtësisht autonom, ose t’i bashkangjitet sistemit satelitor ekszistues për ta bërë akoma më të saktë.
Kjo në fakt përdoret aktualisht, ndonëse në një nivel të ulët, për telefonat e zgjuar, të cilët përveç GPS-it përdorin edhe rrjetin Wi-fi apo sinjalin e celularit për të qenë më të saktë. /tesheshi.com/
