Në një fundjavë të tij në Sarandë, presidenti Meta ka anashkaluar “Santën” e famshme të Balilajve, vendosur nën sekustro preventive muaj më parë, duke u akomoduar te resort “Bougainvile” i ndërtuesit të njohur Genti Sula, me emrin e të cilit lidhet lagjia rezidenciale Kodra e Diellit në Tiranë. E ka pohuar vetë këtë fakt pas një kredhjeje në një prej pishinave të këtij resorti.
Meta ishte një prej figurave kryesore në përurimin e resortit “Santa Quaranta” – ish-Kampi i Punëtorëve në komunizëm, marrë më pas e rikonstruktuar nga Balilajt, duke u lidhur kështu dhe me emrin e Klemend Balilit, prej më shumë se dy vitesh në kërkim. Ky i fundit, ishte një prej drejtorëve të LSI-së në zonë.
Në rrethana të tjera, padyshim që Meta do qe një prej klientëve të “zakonshëm” VIP të Santës, që tashmë, për arsye që dihen, nuk pret e përcjellë më emra nga politika e Tiranës. Në rrethana të tjera, por jo për pushime, edhe kryeministri Rama akomodohej te “Santa”. /tesheshi.com/
https://www.facebook.com/ilirmetazyrtar/videos/526023211188769/?t=1
