Kryeministri grek Alexis Tcipras, duke komentuar krizën e emigracionit ë Evropë, tha se Bashkimi Evropian është thellësisht i ndarë.
“Unioni është thellësisht i ndarë midis dy pikëpamjeve: qëndrimi shumë konservator, shovinist dhe anti-emigrant dhe ga ana tjetër një qasje demokratie dhe humanitare ndaj fenomenit”, tha ai pas samitit të BE në Bruksel.
Ai theksoi se samiti shfaqi faktin se shtetet anëtare të BE-së nuk ndajnë të njëjtat vlera dhe parime, siç janë respektimi i të drejtave të njeriut, solidariteti dhe humaniteti.
Ai deklaroi se qëllimi është të menaxhojë çështjen e migrimit në Evropë në mënyrë të koordinuar dhe sistematike, duke shtuar se marrëveshja e samitit nuk nënkupton një barrë më të madhe për Greqinë në çështjen e numrit të emigrantëve.
“Duke pasur parasysh se rruga e Ballkanit është e mbyllur dhe dy operacione FRONTEX vazhdojnë në kufirin tonë në veri, fluksi mujor i refugjatëve është 100-150”, tha Tsipras. /tesheshi.com/
