Ditën e djeshme, ish Kryeministri Sali Berisha, pavarësisht gjendjes jo dhe aq të qetë politike në vend, është shkëputur nga politika dhe ka marrë disa momente për të bërë një status të veçantë në Facebook.
Ai i ka kushtuar një vëmendje të veçantë bashkëshortes së tij, Lilit, siç e thërret ish Kryeministri
Zonja Berisha kishte dy gëzime dje, festoi 67-vjetorin e lindjes dhe 44-vjetorin e martesës.
Në rreshtat dedikuar bashkëshortes së tij, Berisha nuk i ka kursyer fjalët e ëmbla dhe mirënjohjen për udhëtimin 44- vjeçar përkrah saj.
“Festë familjare!
Të dashur miq, familja jonë festoi sot ditëlindjen e mbretëreshës së mirësisë dhe dashurisë të saj, festoi 67 vjetorin e Lilit dhe 44 vjetorin e martesës tonë!
Mirënjohje të pakufishme Lilit nga e gjithë familja, nga Arti deri tek unë, për gjithçka ajo ka bërë për ne të gjithë. Gëzuar Lili!! Sb” /tesheshi.com/
