Ka nga ata që vuajnë nga pagjumësia por ka edhe të tjerë që e adhurojnë gjumin e arrijnë të flenë me orë të tëra. Por cila është kohëzgjatja maksimale që një njeri mund të flejë? Sipas një studimi të nisur 50 vite më parë dhe që është ende në fazën e analizimit, edhe ne, njerëzit, ashtu si edhe gjitarët, mund të bëjmë gjumë letargjik.
Në vitin 1965, dy eksplorues, Josie Laures e Antoine Senni, ishin ‘kaviet’ e eksperimentit të parë. Të dy u izoluan në një shpellë në Alpet franceze: gruaja për 88 ditë ndërsa burri për 121 ditë. Izolimi dhe errësira totale çuan në modifikimin e ciklit jetësor të dy eksploruesve, të cilët, duke e humbur sensin e kohës, arrinin të flinin edhe për 30 orë resht.
Këtë gjë e tregon më së miri edhe fakti se Josie mendonte se kishte dalë nga shpella më 25 shkurt dhe jo në 12 mars, ndërsa Antonie, i cili doli nga shpella më 5 prill, ishte i bindur se kishte dalë në nisje të shkurtit.
Pas këtij eksperimenti, gjatë kohës janë realizuar edhe shumë studime të tjera. Njëri prej më të besueshmëve mbështet faktin se në kushte izolimi dhe errësire totale, një njeri mund të flejë deri në 48 orë pa pushim./tesheshi.com/
