Kryeministri grek Alexis Tsipras ka vizituar Turqinë, gjatë një vizite ku thelbin e diskutimeve e ka zënë çshtja e refugjatëve nga Siria. Kjo përbënte dhe vizitën e parë të Tsiprasit në Ankara.
Gjatë takimit me kryeministrit turk, Ahmet Davutoglu, Tsipras dhe se janë shpallur masa konkrete për çështjen e emigracionit të paligjshëm me një bashkëpunimin teknik greko-turk.
Kreu i qeverisë greke ka folur në konferencën e përbashkët për shtyp për “çështje të hapura” në marrëdhëniet dypalëshe dhe për sa i përket problemit të refugjatëve vuri në dukje se “në qoftë se nuk do të gjendet një zgjidhje politike për Sirinë, çdo gjë që të bëhet nuk mund ta përballojë problemin.
Tsiprak i ka kërkuar qeverisë turke të ndalojë rrjetet e kontrabandistëve që sjellin çdo ditë me mijëra refugjatë në ishujt grekë.
Nga ana e tij, kryeministri turk, duke ju referuar fluksit të pandalshëm të refugjatëve dhe duke quajtur regjimin e Asadit një regjim dhune, ka deklaruar se askush nuk duhet të hedhe peshën e problemit mbi supet e Turqisë dhe Greqisë dhe ka njoftuar se së shpejti do të ketë një takim trepalësh midis Greqisë Turqisë dhe Gjermanisë për përballimin e problemit.
Gjithashtu, Davutoglu ka deklaruar se bisedimet me homologun grek u përqendruan në katër akse për sa i përket zhvillimit të marrëdhënieve greko-turke me problemet e pazgjidhura prej dekadash që ato mbartin.
Së pari, duke krijuar axhendën pozitive për zhvillimin e marrëdhënieve të turizmit, tregtisë, energjisë dhe investimeve. Së dyti, për të adresuar çështjet që lidhen me pakicat kombëtare, detin Egje dhe Qipron. Së treti, për qëndrimin e përbashkët greko-turk për të ardhmen e Europës. Së katërti, për bashkëpunimin në çështjet rajonale dhe ndërkombëtare si Ballkani dhe Lindja e Mesme.
“Ne besojmë se Greqia do të rrisë mbështetjen për ofertën e pranimit të Turqisë në BE. Sepse ne të gjithë jemi pjesë e kontinentit europian. Pranimi i Turqisë në BE do të rrisë fuqinë dhe rëndësinë e detit Mesdhe”, tha Ahmet Davutoglu.
Në shkurtin e ardhshëm do të mbahet në Turqi, takimi i 4-të i Nivelit të Lartë të Këshillit të Bashkëpunimit greko-turk. Tsipras është takuar edhe me presidentin Rexhep Tayip Erdogan si dhe me liderët e partive parlamentare të Turqisë. /tesheshi.com/
