Ruvarac, akademiku serb që shkruante në shekullin e shkuar: Historianët tanë tregojnë përralla

Ilarion Jovan Ruvarac, një prift ortodoks serb dhe historian, madje anëtar i akademisë së Shkencave të Serbisë, i cili ka vdekur në viti 1905, ka qenë nga të paktët njerëz të cultures që ka kundërshtuar me kohë tezat zyrtare dhe ka shkruar se historiografia serbe është e bazuar në mite dhe legjenda, ndërkohë që duhej të ngrihej mbi fakte dhe ngjrje reale.
Ruvarac, që futi që në fillim të shekullit të shkuar metodat kritike ndaj historiografisë ka shkruar se historianët serbë duhet të heqin dorë nga shkrimi i historisë sikur të flitej për legjenda dhe e kritikon atë, duke theksuar se në historinë e Serbisë ka shumë mite, të cilat nuk kanë vërtetësi të plotë.
Ruvarac vlerëson se Skëndërbeu nuk ka qenë serb dhe se kjo tezë duhet të bjerë. Ai gjithashtu thotë se edhe Beteja e Kosovës në historinë e Serbisë mësohet si një legjendë dhe me fryrje të shumta.
Historiani serb në fjalë del guximshëm mbi historianët romantikë serbë, të cilët e mbështesin historinë tek këngët mitike mbi Kosovën dhe jo të vërtetës racionale.
Duke u nisur nga ky postulat hodhi poshtë edhe martirizimin dhe aktin e martirizimit në Kishën serbe, si dhe Jug Bogdanët e Devet Jugoviqët, Shën Premten serbe, e shumë personazhe të tjera, që ishin në themel të mitit të Kosovës, por që ishin të paqenë nga pikëpamja historike.
Histografia serbe e trajton betejën e Kosovës me terma që nuk kanë aspak baza të mirfillta shkencore historike, por madje në to përmendet edhe “Zoti”, duke e zhvilluar lëndën e historisë në trajtë krejt romantike, theksonte ndër të tjera Ruvarac në kritikat e tij. /tesheshi.com/