Një dekret i nënshkruar të mërkurën nga presidenti rus Vladimir Putin ka pezulluar marrëveshjen e tregtisë së lirë me Ukrainën.
Pezullimi i kësaj marrëveshjeje që hyn në fuqi nga 1 janari arsyetohet me “rrethanata e jashtëzakonshme që prekin sigurinë ekonomike dhe interesat e Federatës Ruse”.
Kjo marrëveshje, e arritur më 18 tetor të 2011-ës, ishte asokohe një hap përpara në forcimin e marrëdhënieve politike dhe ekonomike mes vendeve të ish-Bashkimit Sovjetik.
Kjo është masa e dytë pas embargos ushqimore që Moska ka kërcënuar se do të nisë ndaj Ukrainës po ashtu prej fillimit të vitit të ardhshëm, siç njoftoi muajin e shkuar ministri rus i Zhvillimit Ekonomik, Aleksej Uljukaev. Kjo embargo, sipas ministrit, është në kundërpërgjigje ndaj bashkimit të Ukrainës me sanksionet e vendosura kundër Rusisë. /tesheshi.com/
