Rusia, edhe pse e ka shitur Alaskën me para në dorë qeverisë së Shteteve të Bashkuara, në kohën e carit ajo sërish kërkon tokë në Oqeanin e Ngrirë të Veriut pasi ajo zonë është e pasur me nahftë.
Ministri i Jashtëm, Sergei Lavrov i ka paraqitur një dokument Organizatës së Kombeve të Bashkuara, duke thënë se vendit të tij i takojnë 1.2 milion metra katrorë nga Arktiku.
Por, Moska nuk është e vetme, SHBA-të, Kanadaja, Danimarka dhe Norvegjia për një kohë të gjatë kanë kërkuar juridiksion mbi disa pjesë të Arktikut, por pas pretendimeve të tyre, fshihet një tjetër qëllim.
Artiku është pjesa e planetit e cila besohet se ka rreth një të katërtën e naftës dhe gazit të natyror të pazbuluar ende. Rivaliteti për këto burime ka intensifikuar mundësitë e eksplorimit për arin e zi.
Në fakt që në vitin 2002, Rusia është e para e cila ka paraqitur një kërkesë për territor atje, por OKB-ja e ka kthyer mbrapsht për shkak të mungesës së provave.
Ndërsa këtë herë, Ministria e Jashtme pretendon se dokumentet përmbajnë argumente të reja. “Kemi të dhëna të mjaftueshme shkencore, të mbledhura ndër vite, hulumtim pas hulumtimi” shkruhet në deklaratë.
Tani qeveria e Moskës pret që Komisioni i Kombeve të Bashkuara për Kufijtë kontinental, të shqyrtojë kërkesën e tyre në vjeshtën e këtij viti. Në mesin e marrëdhënieve të ngrira me Perëndimin për Ukrainën, Kremlini kohët e fundit po bën disa lëvizje për t’i dhënë më tepër peshë forcave ushtarake ruse në Arktik.
Ky mision i ri konsiston ne restaurimin e një baze të epokës sovjetike në ishujt siberian, si edhe për baza të tjera ushtarake në rajon. Zyrtarët rusë thanë se këto objekte janë të nevojshme për të mbrojtur rrugët e transportit që lidhin Europën me rajonin e Paqësorit dhe Oqeanin e Ngrirë të Veriut.
Ushtria Ruse ka kryer manovra të ndryshme në Arktik ku janë përfshirë 38.000 ushtarë, më shumë se 50 anije dhe nëndetëse, si dhe 110 avionë ushtarakë. /tesheshi.com/
