Një rajon rus shpalli gjendjen e jashtëzakonshme për shkak të pranisë së dhjetra arinjve polare në vendbanime, njoftuan zyrtarët lokalë.
Autoritetet në Ishullin e Tokës së Re, thonë se ka pasur disa raste kur arinjtë kanë sulmuar njerëz dhe kanë hyrë në shtëpitë dhe ndërtesat publike.
Arinjtë polarë ndikohen nga ngrohja globale dhe gjithnjë e më shumë janë të detyruar të vijnë në tokë në kërkim të ushqimit.
Rusia i shpalli ato një specie e kërcënuar. Gjuetia ndaj tyre është e ndaluar dhe agjensia shtetërore e mjedisit refuzoi të lëshonte leje për t’i xhiruar ato.
Arinjtë nuk kanë frikë nga patrullat e policisë dhe sirenat që lëshojnë ato, gjë që do të thotë se duhet të merren masa më radikale, thonë zyrtarët.
“Njerëzit janë të frikësuar, kanë frikë të dalin nga shtëpitë, ndërsa prindërit nuk duan të dërgojnë fëmijët e tyre çerdhe, kopshte apo shkolla”, tha një zyrtar lokal.
“Unë jetoj në Tokën e Re që nga viti 1983. Nuk ka pasur asnjëherë një dyndje të tillë të arinjve polarë”, tha një tjetër. /tesheshi.com/
