Grupi parlamentar socialist debatoi sot për mbi 1 orë në lidhje me kostit financiare të institucioneve të vetingut.
Debatet u përqëndruan mes kërkesave që i janë paraqitur Kuvendit nga këto institucione dhe vendimit të marrë nga mazhoranca për të mos i pranuar tërësisht ato. Më konkretisht në diskutimet në komisionin e Ligjeve, qëndrimi i mbajtur ishte për një shkurtim të numrit të organikës, gjë që mbështetet edhe nga Ministria e Financave, por edhe përsa i takon shpërblimit mbi pagën të punonjësve të 3 institucioneve.
Mes zërave pro dhe kundër miratimit të kërkesës së institucioneve të vetingut, kryeministri Edi Rama propozoi se punonjësit e tyre do të vlerësohen për punën që do të bëjnë.
“Asnjë institucion nuk duhet të iki me parimin zgjerohu për të punësuar njerëz në zyra. Pagat për këtë institucion janë ekstra, të tilla do të jenë për gjyqtarët që do të dalin pa njollë nga komisioni i vettingut”, tha Rama./tesheshi.com/
