Sipas autoritetit të Mbrojtjes Civile Saudite, 87 njerëz kanë humbur jetën dhe 183 të tjerë janë plagosur këtë pasdite në Xhaminë e Madhe të Mekës pas rrëzimit të një vinçi.
Besohet se vinçi u rrëzua nga era e fortë apo nga një rrufe, ndërsa shirat e rrëmbyeshëm sollën përmbytje dhe bllokim të trafikut.
Në vendin e ngjarjes kanë mbërritur 15 ekipe kërkimi dhe shpëtimi, e të plagosurit po transportohen për në spitale.
Dëshmitarët kanë treguar se vinçi ra mbi katin e tretë të Xhamisë së Madhe rreth orës 17:45. Një pjesë e mirë e zonës përreth është kthyer prej kohësh në një kantier ndërtimi.
Arabia Saudite është goditur dhe nga stuhitë e rërës ditët e fundit. Meka është aktualisht e mbipopulluar, teksa mijëra besimtarë nga e gjithë bota kanë nisur të mblidhen aty për haxhin e përvitshëm. /tesheshi.com/
