Një marshim të padëgjuar deri më sot kanë ndërmarrë të rinj shqiptarë nga Mali i Zi, Shqipëria dhe Kosova, duke ecur në gjurmët e 4300 personave që në kohën e Luftës së Dytë Botërore u pushkatuan masivisht në ngjarjen që ka marrë emrin si “Masakra e Tivarit”.
Dhe kanë qenë të rinjtë e trevave shqiptare, nxënës të shkollave të mesme nga Ulqini dhe fshatrat perreth që organizuan udhëtimin përkujtimor në përkujtim të tragjedisë së madhe të para 72 viteve më parë.
Në këtë organizim morën pjesë të rinj nga Ulqini, Kraja, Ana e Malit por edhe nga Kosova dhe Shqipëria.
Sipas planit të përpiluar më parë, së pari u vizitua famkeqi Monopoli i duhanit në Tivar ku mendohet se janë vrarë pjesa më e madhe shqiptarëve nga Kosova.
Të gjithë pjesëmarrësit bënë homazh dhe vendosen lule ne perkujtim te viktimave te pafajshme jashta objektit të rrethuar, në pamundësi që të hyhet brenda.
Pronari i objektit, edhe pse ishte i informuar, nuk e ka hapur objektin duke i lënë vullnetarët jashtë për disa minuta.
Vullnetarët kanë mbellur një rrënjë ulliri si shenjë dhe simbol i traditës dhe jetëgjatësisë. /tesheshi.com/
