Rinasit i shtohet një linje e re: Tiranë – Paris

Tashmë, drejt Parisit mund të fluturohet me avion drejt e nga Tirana. Kjo linjë e re u inaguruar nga  Ministri i Transportit dhe Infrastrukturës Edmond Haxhinasto gjatë një ceremonie në Rinas, i cil e vlerësoi atë si zhvillim të rëndësishëm në industrinë e aviacionit civil në Shqipëri.

“Hapja e tregut në këtë 1 vit e gjysmë të fundit ka treguar qartë se kemi një ulje të cmimit të biletave deri në masën 30%”:, tha Haxhinasto, duke shtuar se se linjat e reja direkte  drejt Frankfurt, Paris dhe Bruksel përbëjnë rreth 10 % në rritjen e lidhshmërisë të aeroportit të Rinasit me destinacionet evropiane.

Por Haxhinasto nuk la pa e çuar gjuhën aty ku dhemb dhëmbi, kur tha:

“Ndërkohë që kemi akoma shumë për të bërë për të plotësuar spektrin e shërbimeve në këtë aeroport. Nuk kemi ende prezente kompanitë e fluturimit lowcost, ende nuk kemi targetuar segmentin  e turistëve dhe akoma nuk kemi arritur nivele të kënaqshme në shërbimet  kargo”.

Siç dihet, Rinasi ka tarifat më të larta në rajon. Dhe kjo, për shkak të dritëshkurtësisë së politikës, që vite më parë e dha Rinasin me konçesion, por  duke pranuar të jetë monopol, gjë që reflektohet tashmë negativisht në të gjithë treguesit.   /tesheshi.com/