Ndërsa në Maqedoni situata agravohej me politikanë që përgjakëshin nga turmat e irrituara, në Prishtinë, turma nën delir prisnin me brohoritje e fishekzjarre liderit të AAK-së, ish-një ndër komëndantët e UÇK-së dhe ish-kryeministër i Kosovës, Ramush Haradinaj. Ky i fundit u lirua të enjten nga një gjykatë franceze ku mbahej i arrestuar prej katër muajsh, pas një aktakuze të lëshuar nga Serbia që në vitin 2004.
Sapo u shfaq tek sheshi “Zahir Pajaziti”, Haradinaj iu përvesh me akuza institucioneve, më saktë shtetit të drejtuar nga rivalët e tij politikë, duke pretenduar se e braktisën për katër muaj me radhë.
“Institucionet e Kosovës nuk kanë qenë në nivelin e duhur. Por po u tregoj hapur se ftesa ose ideja që unë të ekstradohem në Shqipëri është thirrje për luftë. Nuk jam tallë as nuk kam bërë hajgare por e kam thënë përnjëmend. Me 24 mars 1998, po këta, Vuçiq, Daçiq e baba i tyre Millosheviqi, e makina e tyre vrastare na e ka sulmu në familje në Gllogjan, e aty ishin edhe fëmija vegjël, e kanë provu me na vra të gjithëve. Po këta njerëz, janë kriminel që kanë bërë krime në Kosovë. Fati ka dashtë që ne të mos përfundojmë si Jasharajt”.
“Shqiptarët nuk harrojnë, janë popull liridashës e dojnë paqe. Janë rreth 20 mijë të vramë e s’kanë mujt kush me i nënshtru. Duhet me ia tregu vendin Serbisë e me ia bë siç ia ka bë Kroacia. Dijeni , jemi populli më i vjetër jo veç në Ballkan, por ndër popujt më të vjetër në botë. Gjithë kohën kemi jetuar këtu, gjuhën ndër më të vjetër në botë, kujt tragjedi si kemi shkaktuar. Ne nuk po dojm me i kthye 1 mijë vjet, por me të drejtë po u themi më nuk u japim, nuk merrni më nga shqiptarët”.
Më pas, Haradinaj ka paralajmëruar se nuk do lejojë ratifikimin e Demarkacionit, siç është paralajmëruar se mund të vijë javën e ardhshme në parlament, kësaj here nën diktatin e fortë diplomatik të Uashingtonit. Këtë, kreu i AAK-se e ka lënë të nënkuptuar duke bërë dhe atdhetarin folklorist.
“Jemi populli populli më i vjetër, jo vetëm në Ballkan, por edhe në botë. Nuk ju kemi shkaktuar kurrë tragjedi fqinjëve. Ne nuk duam ta kthejmë kohën 1000 vjet mbrapa, por më kurrë nuk do t’u japim tokë. A e dini sa tokë na ka marrë Mali i Zi e Serbia, por më nuk u japim tokë. Nuk jemi kundër miqve, por duhet me ua tregu vendin edhe të nënshtruarve tanë që na bënë horë. Shikoni se çfarë po ndodhë, ka dy vite që jemi blloku, sepse nuk po guxojnë të thonë se kemi gabu”, ka thënë Haradinaj”, deklaroi Haradinaj. /tesheshi.com/
