Partia Demokratike ka denoncuar në Prokurorinë e Përgjithshme Ministrinë e Brendshme dhe bashkinë e Durrësit për shtimin e rreth 2 mijë zgjedhësve.
Çështja në fakt është ngritur nga Komisioni Qendror i Zgjedhjeve, i cili pak ditë më parë ka miratuar një raport të ekspertit të pavarur Armand Telitit, i cili paraqiti një raport mbi çështjen. Teliti ka qenë kandidat për kreun e bashkisë Durrës në vitin 2007 dhe Drejtor i Përgjithshëm i Gjendjes Civile nga viti 2007-20013.
Raporti është dorëzuar sot në Prokurorinë e Përgjithshme nga Nënkryetari i Parlamentit Edmond Spaho dhe Sekretari i Përgjithshëm i PD-së, Arben Ristani.
Spaho deklaroi se së shpejti do të botohet lista e Durrësit me të gjitha problemet. Ai e cilësoi skandal dhe një manipulim të zgjedhjeve përpara se të zhvillohen.
/tesheshi.com/
