Sulmuesi shqiptar Rey Manaj do të luajë në Spanjë sezonin e ardhshëm. 20- vjecari i Interit, i ka dhënë një lloj drejtimi karrierës së tij, pas bllokimit që pësoi gjatë sezonit të shkuar.
Sipas mediave italiane, Manaj është dhënë tek Granada me të drejtë riblerjeje nga Interi, nëse zikaltërit e dëshirojnë sërish.
Pas një aktivizimi të pjesshëm me kombëtaren e Shqipërisë, Manaj “humbi” nga vëmendja e trajnerit De Biazi, pasi nuk aktivizohej dhe u kthye në protagonist me skuadrat e Serisë B, ku u aktivizua.
Pavarësisht se Granada do të luajë në kategorinë e dytë të kampionatit spanjoll, Manaj mund të ketë minuta në këmbë dhe shansin për tu rikthyer si premtim i madh i futbollit shqiptar. /tesheshi.com/
