Pasiguria që ka kapluar ekonomitë e mëdha të botës dhe kriza e Greqisë kanë mbuluar me hije takimin e ministrave të financave dhe guvernatorëve të bankave qendrore të shtatë vendeve më të industrializuara të globit. Takim ky që ka filluar mbrëmë të mërkurën në mbërmje në qytetin gjerman Dersden.
Grupimi shtatë vendeve më të mëdha përfshin Gjermaninë, Shtetet e Bashkuara, Britaninë, Italinë, Francën, Kanadanë dhe Japoninë.
Pas një fillimi të mbarë të trendit të ekonomisë globale në fillim të këtij viti, ritmi i rritjes pësoi një rënie të ndjeshme për shkak të ngadalësimit të ekonomive kryesore të botës siç janë Shtetet e Bashkuara, Kina, Gjermania dhe Japonia. Kjo pasi performanca e tyre ekonomike ishte shumë herë më e ulët sesa parashikimet.
Në të njëjtën kohë, eurozona, e cila përfshin 19 vende të Bashkimit Evropian duket si një dritë në fund të tunelit, pasi për herë të parë pas disa vitesh po korren frytet e reformave të dhimbshme ekonomike. Vende si Spanja dhe Irlanda, të cilat ishin në qendër të krizës së borxhit që goditën rajonin që nga viti 2008 duke se po japin shenjat e parë pozitive të reformave të ashpra që kishin ndërmarrë.
Megjithatë duhet thënë se ende ekziston rreziku me të cilin ballafaqohet rajoni për shkak të kokëfortësisë së rastit të Greqisë për pranimin e ilaçit.
Kjo kokëfortësi vjen për shkak të mosmarrëveshjes mes Athinës dhe kreditorëve ndërkombëtarë mbi reformat e kërkuara, në këmbim që Greqia të përfitojë nga kreditë e shpëtimit, për rrjedhojë do shmanget falimentimi saj dhe dalja nga eurozona.
Në takimet që po mbahen në Dresden dhe që përfundojnë nesër të premten, do publikohen të dhënat e ecurisë ekonomike globale, duke përfshirë po ashtu edhe të dhënat e ekonomisë amerikane, e cila sipas analistëve pritet që të tregohet për një tkurrje të ekonomisë më të madhe të botës, atë të SHBA-ve.
Këtu mund të shtojmë edhe pasigurinë që ka mbërthyer tregjet financiare për shkak se Bordi Rezervës Federale (banka qendrore Amerikane) do të rrisë normat e interesit, pasi ato kishin mbetur afër 0% që nga ndezja e krizës globale financiare shtatë vjet më parë.
Takimi në Dresden ndihmon në përgatitijen e samitit të G7-ës i cili do të kryesohet nga kancelarja gjermane Angela Merkel dhe që do të mbahet në vendpushimin e Castel Almao të Bavarisë, në Gjermani.
Pritet që ministrat e financave të publikojnë një paketë masash të tilla si forcimi i sanksioneve për aktivitetet që synojnë financimin e terrorizmit, lehtësimin e barrës së borxhit për Ukrainën, lufta kundër evazionit fiskal dhe nxitja për më shumë reforma strukturore.
Në të njëjtën kohë, shumë çështje të tjera më të rëndësishme e urgjente do të dominojnë diskutimet edhe pse këto tema nuk janë pjesë e axhendës zyrtare të bisedimeve. Në mesin e këtyre çështjeve, janë kriza borxhit Grek, referendumi që pritet të mbahet në Britani mbi vazhdimin e qëndrimit të saj në Bashkimin Evropian, etj.
Vlen të përmendet se Rusia nuk merr pjesë në këtë samit si më parë, pasi kancelarja gjermane Angela Merkel tha javën e kaluar se në këtë samit nuk mund të marrin pjesë ata që nuk ndajnë vlera të përbashkëta me ne./tesheshi.com/
