Iraku dhe Irani vendosën të përdorin në radhë të parë “armët” ekonomike për t’iu përgjigjur referendumit për pavarësi të Kurdistanit irakian.
Bagdadi ka mbyllur hapësirën ajrore për fluturimet ndërkombëtare, ndërsa Teherani ka njoftuar ngrirjen e tregtisë së naftës.
Pas “po”-së masive, me rreth 93%, të këtij rajoni autonom gjatë një votimi të kritikuar dhe kundërshtuar, të gjitha lidhjet ajrore me Kurdistanin irakian u ndërprenë të premten, me urdhër të qeverisë qendrore të Bagdadit, që kërkon nga Erbili anulimin e referendumit si parakusht për dialog.
Referendumi i organizuar nga presidenti kurd, Masud Barzani kryesisht është sulmuar nga vendet fqinje, si Turqia, Siria dhe Irani, që kanë minoritete kurde, pasi druhen se ky veprim mund të ngjallë kërkesa e ngjashme në territoret e tyre. /tesheshi.com/
